IZOTERM zavodi —Yevropaning Sloveniya konserni bo‘lmish “ЕВРОВЕК” uskunalarida bazalt tolasi asosida zamonaviy issiqlik izolyatsiyasi mahsulotlarini ishlab chiqaruvchi Qozog‘istondagi ilk zavodlardan. Ko‘p yillar davomida olingan tajribalar narx va sifatning optimal nisbatida bo‘lgan issiqlik izolyatsiyasi materiallarini ishlab chiqarishga imkon beradi. Mat va plitalar issiqlik izolyatsiyalovchi mahsulotlarga qo‘yiladigan zamonaviy talablarga muvofiq ekologik tozaligi, issiqlik o‘tkazuvchanligi va yonmasligi bo‘yicha yuqori ko‘rsatkichlarga ega.
IZOTERM — toshli vata asosidagi issiqlik va tovush izolyatsiyalovchi materiallarning yangi avlodi. Aynan toshli vata tufayli ushbu mahsulotlarni turar joy va sanoat binolarini qurish, rekonstruksiya qilish yoki ta’mirlash ishlarida keng miqyosda qo‘llash imkoniyati mavjud.
IZOTERM ekologik toza mineral vatasi tosh (gabbro-diabaz)ning yuqori haroratda eritish yo‘li orqali olinadigan o‘zaro chatishgan nihoyatda ingichka tolalardan tashkil topgan.
IZOTERM mineral vatasining issiqlik izolyatsiyalovchi xususiyatlari undagi katta miqdorda, ya’ni vataning umumiy hajmining 96 foizini tashkil qiluvchi havo g‘ovakchalari va kanallaridan kelib chiqadi.
IZOTERM assortimenti binolar tomi va fasadi uchun issiqlik va tovush izolyatsiyalovchi plitalari, sendvich turidagi devor va tom yopish panellari, chegaralovchi panellar uchun yuklanishsiz izolyatsiyalovchi plitalar, shuningdek, zarqog‘oz va shishali to‘qima bilan kashirlangan bazalt tolali issiqlik izolyatsiyalovchi matlarni o‘z ichiga oladi.
